IMPLANTATI SUUA?

Ataatsimik amerlanernilluunniit kigutinnik amingaateqaruit, implantat periarfissaavoq. Implantat tassaavoq kigummut mannguusaq alleqquit saaniinut ikkunneqartartoq. Implantatit skruetut isikkoqarput, nalinginnaasumillu 3-5 mm-isut silitsigisarlutik aammalu 8-16 mm-isut takissuseqartartut.

Titaniummimik sanaajusarput, alleqquit saaniinut ikkunneqarsinnaasut. Implantati alleqquit saaniinut pilaanermi ikkunneqassaaq qaammatialuillu qaangiuppata saanermut ikkutivissimassalluni. Pilatsereernermi implantatimut kigutaasamik marraviusumik ikkussisoqassaaq.

Arlariinnik kigutinik amingaateqaruit, kigutitilluunniit tamakkerlugit peersimappata implantatimik ikaarusiortortitsisinnaavutit imaluunniit kigutaasanik sanatitsillutit, marlunnik sisamanilluunniit alleqqumut implantatinik naqitsineq atorlugu kigutaasanik ikkussinikkut atatinneqartartunik.

SULIARITINNEQ IMA INGERLANNEQARTARPOQ

Suliaritinnginnermi pisariaqarpoq qinnguartaammik assilitinnissaq, alleqqut qanoq inissaqartiginersut takuniarlugu. Taamaalisoqareerpat kigutinut assilissutissaq sananeqassaaq.

Pilersaarusiortoqareerpat implantat alleqqunut ikkunneqassaat, tamannalu avatangiisiinut qerititsilluni pisarpoq – annernannginniassammat. Suliaritereernermi suliaritiffik sanneqqasuusisinnaavoq, kisianni anniarnermik kinguneqassanngilaq.

Implantati qaammatit marluk pingasulluunniit iluani maminniartarpoq, implantati alleqqullu saarnanut ikkutivinniassammat. Piffissami tassani akulikitsumik misissorneqartassuutit qanoq innera paasiniarlugu. Mamereerpallu marravimmik kigutaasamik ikkussisoqassaaq.

IMPLANTATIT ATORTARPAGUT

Kigutileriffitsinni Straumann Implantatit atortarpagut, tassaammata taakku misilerarneqarluarsimasut iluatsilluartutullu nalunaarutigineqarsimallutik.

Misissuinerit takutippaat implantatit ukiut qulit suliaritinnermiit qaangiukkaangata 100%-ingajammik ajoratik pisartut, taamaammat piffissaq sivisuneq eqqarsaatigalugu aaqqiissutitsialaallutik.

Implantatit misilerarneqarluarsimasut taakku qulakkiissavaat aaqqiissut iluartoq, qungujulluartaleqqissinnaanissallu utissalluni.

KIGUTILERISOQ APERIUK