KIGUTILERITINNISSAMUT SIOORASARNEQ

Kigutileriffitsinni pingaartipparput kigutileritinnissamut sioorasartut ikiorluartarnissaat, kigutileriffitsinnukartillutimmi ajunngitsumik isumannaatsumillu aggeqqaarnerniit misigisaqartinnissat angorusuttarparput. Kigutileritinnissamut sioorasarneq nalinginnaavoq, inuppassuimmi allat aamma ilittulli misigisarmata.

KIGUTILERITINNISSAMUT SIOORASARPIT?

Kigutileritinnissarnut sioorasaruit sioorasarnerit asuliinnaq kigutileriffitsinni tiguneqassanngilaq. Pingaaruteqarpoq sooq sioorasarnerpit paasinissaa, suullu sioorassutigisarneritit oqaluttuarinissaat. Sioorasarnerpit patsisaa sianigerpianngikkukku pinngitsaalineqassanngilatit nassuiaanissarnik. Kigutileriffitsinni 100%-imik anniarnertaqanngitsumik suliaritinnissat isumagissuarput, tamannalu eqqissisimanerulissutigissavat. Pisariaqarsinnaavoq takkuteqqaaruit kigutilerisup oqaluuteqqaarnissaa, apeqqutissatit pisariaqartitatillu paasilluarniarlugit.

 

KIGUTILERITINNISSAMUT SIOORASARNEQ QANOQ ILIUUSEQARFIGISARPARPUT?

Misilittakkatta paasitippaat suliaritittussat sioorasartut eqqissisimanerulersartut nipilersuummik tusarnaaraangamik, suliaritileruit nipilersuutinik tusarnaarsinnaasarnik nassarsinnaavutit.

Kigutileritinnissannut sioorasaruit isumassarsiatsialaavoq ullormi siusissukkut kigutileritinnissamut piffissaliineq, ullup ilarsua ernumarusaannginniassagavit kigutileritinnissavit tungaanut.

Ilinnullu ikiuutaasinnaavortaaq akuttoqatigiissaarluartumik misissortikkiartortaruit, kigutilerivimmukartarneq sungiunniassagakku aammalu kigutilerisoq tatiginerulerniassagakku.

Kigutileriffitsinni qasukkarsaatit iisartakkat pisariaqartitsisunut pigaagut. Kigutileritinnginnermi qasukkarluarsinnaaniassagavit. Taamaalillutit suliaritissimaguit suliaritereeruit biileqqusaanngilatit, allanillu ingerlanneqarnissat innersuussutigineqassaaq.

Kigutilerisumut piffissamik inniminniiguit innersuussutigissavarput kigutileritinnissamut sioorasaruit paasissutissiissutiginissaa, piffissamimmi naammalluartumik tunisinnaaniassagatsigit.

KIGUTILERISOQ APERIUK