KINGUTIP MANNGUANIK SULIAQARNEQ

Kigutip manngua suliarineqassagaangat peqqutaakkajuttarpoq, kigutip cariesseqalerluni putusimanera itivallaalernikoq kigutip sianiutaanut apuulluni imaluunniit kigutip qupisimanera ilaartuutigisimasaq qanganisaq pisuulluni. Tamanna assigiinngitsutigut malugineqarsinnaavoq, amerlanerpaatigulli kiguserinermik malunniuttarluni.

Kiguserigaanni qularineqarsinnaanngilaq, ulloq unnuarlu anniarnermik malitseqartarmat (sinnarlussutaasinnaasarlunilu).

Nipaallisaatit iluaqutaalaarsinnaasarput, uatsinnut ornigunnissavit tungaanut. Bakterianut akiuussutissaq (antibiotika) sunniutinut ikiuutaalaarsinnaavoq, kisianni pissutaasoq peernavianngilaa aammalu aseruuttoq tammarnaviarnani.

SULIARITINNEQ

Kigutip mannguanik suliaqarnerup siunertaraa, kigutip qalliutaaniit mannguaniillu aseruuttumik piiaanissaq. Tamanna atortorissaarutinik pitsaasunik suliassaavoq aammalu aseruuttoq arlaleriarluni salilluaqqinnaartariaqarluni. Kigutip mannguanut sullut salilluareeraanni, taakku sullut ilaartorluagassaapput, bakteriat kigutip mannguanut aammalu saanernut eqqaaniittunut pisinnaanissaat mattutivillugu.

 

SULIARITEREERNERMI

Kigutip mannguanik suliaritereernernerup kingorna kigut eqqaaniittullu ikkit sanneqqasutut ippinnaqqaartuaannangajapput. Kigutip mannguanik suliaqarneq qillerineq saliinerlu iluamik suliarilluarneqarsimagaangata 80-90%-eriarluni iluatsittarpoq. 10-20%-eriarnermi kigut aseruuttaqattaartuarsinnaasarpoq, kigutip mannguanik suliaqarneq immini ikiuutaajunnaartarluni taamaakkaangallu pilattaasartut kigutip mannguanik suliaqartariaqalersarput.

Ukiup affaa ukiulluunniit ataatsip iluani innersuunneqartarpoq, pingaartumik erlippaani, kigutip qaleraasalersinnissaa, kigutip quppaqalersinnaanissaanut illersuuserniarlugu. Amerlanerpaatigut kigutip mannguanik suliaritissimasut sisamaagaangata pingasut ukiut pingasut ingerlanerini kigutiminnik qupisoortarmata. Kigut mannguanik suliaritissimasoq aqiliornerulersarami, sianiutit aammalu taqqat peernikuuneri pissutigalugit, taamaattoqarneranilu qupinissaa qaninnerulertarluni. Saniatigut kigut qillernikuusarami caries aammalu kigutip ipiutai peerniarlugit, kigutip iigartai saannerulersarmata aammalu kigut artorsartinneqarnissaminut ulorianartorsiulertarluni.

Kigutit mannguinik suliaqarnerit pillugit oqaluttuat ersinarsinnaasut tusarsaasarput, kisianni uatsinni piffissaqarluarluta kigullu qeritilluaqqaarlugu suliaqarnissaq pingaartittarparput, suliaqarneq annernanngitsumik ingerlasinnaaniassammat. Suliaritittussanut kigutilerisunullu tamanna tuppallersaataasarpoq.

KIGUTILERISOQ APERIUK