PARADENTOSE

Ikkikkut aseruuttoorneq suliarineqanngikkuni, paradentosinnguussinnaavoq. Paradentose ikkikkut aseruuttoorneruvoq, ikkinut itinernut siaruaannikoq. Tamanna kigutinik annaasaqarnermik kinguneqartarpoq aammalu kingunerisarpaa saarnit aasoorneri.

KIGUTITIT IMA INISSISIMAPPUT

Kigutit alleqqut saaniinut atapput, manngut iperaasaatigut ippakkoorlutik atasut. Ipaaqqat kigutit alleqqut saaniinut atatippaat, kigutit mannguini tamani taamaappoq.

IKKIT PEQQISSUT SUUPPAT?

Ikkit peqqissut aappaluartuupput, qaavi qillertuullutik aammalu kigutip avataani sukangasumik ikkussimasarlutik. Kigutisissareernermi aanaarneq ajorput imaluunniit kukkaajarsimatilluni kigutilluunniit akunneri salissimatillugit. Ikkit peqqissuutikkusukkaanni kigutigissarluartarnissaq pingaaruteqarpoq.

IKKINNIK ASERUUTTOORNEQ SUNAAVA?

Kigutit qaqungajattunik/sungaangajattunik qalipaatilinnik qalliuteqarput, kigummi aammalu ikkinni. Plak tassaavoq uumasunik toqungasunillu bakterialik. Plakki piinngikkaanni, ikkit iluaallisinnaapput, aappillerlutik, pullallutik aammalu annernarlutik. Ikkit kigutigissarnermi aanaarsinnaapput aammalu kukkaajaatinik atuinermi. Plakki aammalu kigutini ujarattat peeraanni kigutit saligaatsiitinneqarsinnaapput, ikkinilu aseruuttoorneq ullualunnguit atorlugit peerneqarsinnaalluni taamaattumik ikkit peqqisseqqittarlutik. Inuit ilaat kigutiminni ujarattaninnerusarput aammalu taamaakkaanni pisariaqartarpoq kigutit salitsikulaarnissaat.

PARADENTOSE SUUA?

Ikkikkut aseruuttoorneq suliarineqanngikkuni, paradentosinnguussinnaavoq. Paradentose ikkikkut aseruuttoorneruvoq, ikkinut itinernut siaruaannikoq. Tamanna kigutinik annaasaqarnermik kinguneqartarpoq aammalu kingunerisarpaa saarnit aasoorneri.

Ikkit pullassapput, aappalullutik aammalu aqiliorlutik. Plakki kigutigissarnermi peerneqanngikkuni, kalkinnguutissaaq naggataatigullu kigutit ujarattanissallutik, manngertuuvoq taanna aammalu nammineerluni peerneqarsinnaanani. Bakteriat ikkit iluanut pinissaminnut periarfissagissaalissapput aammalu neqitap aseruukkiartornissaannut aqqutissiuussissallutik. Kigutit ujarattaat maniilasunik qalleqarput taakkulu kigutigissarnermi eqqerneqarsinnaanngillat. Kigutit naggataatigut saanermut atassutaat annaaneqassaaq, kigutillu aalaqqajaanerulissallutik. Aseruuttoorneq apeqqutaalluni ikkit avatangiiserineqartut aajartussapput.

Paradentosemut peqqutaasinnaasut allat tassaapput: pujortartarneq, kingornuttagaasinnaavoq, kigutigissarluartannginneq, sukkortuuneq, timip akiuussutissaata sanngiitsuunera aammalu stressi (papaneq). Taamaammat pingaartipparput allat nappaatit assigalugit kigutileritittussap suliarinissaa, peqqinneruneq anguniarlugu.

PARADENTOSE QANOQ SULIARINEQARTARPA?

Pingaaruteqarpoq paradentosep suliarinissaa, kigutit ujarattaajarnerisigut aammalu ikkit iluisa bakteriaajarnerisigut, kigutit katannginniassammata. Ikkit annernarpata, pisariaqarsinnaavoq eqqaasa qeritinnissaat. Qanoq kigutitit eqqiluitsuutissinnaaneritit ilinniartissavatsigit aammalu suut ikiuutit iluaqutigisinnaaneritit paasissutissiissutigalugit, nappaatit annerulinnginnissaa anguniarlugu.

Taamaammat pingaartuuvoq, kigutivit misissortikulanissaat aammalu ikkivit ilui qinnguartaammik misissortittarlugit, taakkua takutittarmassuk nappaat qanoq innersoq.

KIGUTILERISOQ APERIUK