PLASTIMIK ILAARTORTINNEQ

Amerlanertigut plast isikkua apeqqutaatillugu atorneqartarpoq, tassami kigutit qalipaataannut assigummat. Plastinik ilaartuineq cariesseqartillugu, kigutit qalipaataat allanngorsimappata, kigut naffakuuppat, annertunermilluunniit kigutit suliassaagaangata aammalu kiisarneq apeqqutaatillugu suliarigaanni atorneqartarpoq.

PLASTIMIK ILAARTUINERUP PITSAAQUTAI

  • Kigutip ilusaa malillugu ilusilersorneqarluarsinnaanera.
  • Kigutip qalipaataa assigisaramiuk.
  • Aserujaatsuunera.
  • Plastip ulorianartunik akoqannginnera.
  • Aaqqiissutaallunilu sivisuumik attanneqarsinnaasoq.

PLASTIMIK ILAARTUINERUP AJOQUTIGISINNAASAI

  • Annertuumik suliassat aaqqissinnaanngilai, soorlu annertuumik kigutit ajoqusersimappata imaluunniit kigutip putua angivallaarpat, taamaattoqarnerani kigutip qalliutilernissaa innersuussutigisassaavoq.

SØLVIMIK ILAARTUINEQ SUUA?

Qanga amalgamimik (sølvimik) ilaartuineq atorneqartarpoq, ullutsinnili plastimik ilaartuinermik taarserneqarnikuulluni. Sølvimik ilaartuinermi kviksølv aammalu metalinik sølvitalinnik tinninillu akuleriinnik il. il. atuisoqartarpoq.
Sølvimik ilaartuineq naliginnaasuujunnaarnikuuvoq.

SØLVIMIK ILAARTUINERUP PITSAAQUTAI

  • Aserujaatsuunera.

 

SØLVIMIK ILAARTUINERUP AJOQUTIGISINNAASAI

  • Kviksølvi pissutaalluni akui ulorianarput.
  • Kigutivit qalipaateqatiginngilaa, taamaalilluni isikkuminaallisarluni.
  • Sølvimik ilaartuisoqarsimatillugu kigutip qupparsinissaa/naffakunngorsinnaanera pisinnaanerusarpoq, taamaammat kingusinnerusukkut kigutivit mannguata suliaritissinnaanera ilimanarnerulertarluni.
  • Sølvamalgam kigummut atavilerneq ajorpoq, taamaammat kigutip qilleqqaarnerunissaa plastimik ilaartuinerminngaanniit pisariaqalertarluni.
  • Sølvamalgam avatangiisimut mingutsitsisuuvoq.

KIGUTILERISOQ APERIUK